आनंद अनाथ आश्रम सुरु कसा झाला व तसेच आनंद अनाथ आश्रम हा सगळ्या इतर वृध्दाश्रमा पेक्षा वेगळा कसा काय ठरतो, तसेच आनंद अनाथ आश्रमाचे कार्य कसे चालते हयाबद्दल आता आपण थोडे जाणून घेऊयात. अर्थात ह्या प्रश्नांची उत्त्तरे जाणून घेण्यासाठी आपल्याला अशा एका व्यक्तीचा परिचय बघावा लागेल जे आश्रमाचे सर्वेसर्वा आहेत आंनद अनाथ आश्रमाचे संस्थापक अध्यक्ष श्री. गिरीष परशुराम देशपांडे हे एक प्रतिथयश नॅचरोपॅथी डॉक्टर आहेत व त्यांना त्यांच्या व्यवसायानिमित्त बरेच ठिकाणी प्रवास करावा लागतो. प्रत्येक वेळी प्रवासात रेल्वे स्टेशन, बस स्टैंड, सार्वजनिक ठिकाणी कधीकधी अतिशय घाणेरड्या कपडयांमध्ये कसेही केस वाढलेले दिसायला अतिशय ओंगळवाणे लोक आढळून येतात की ज्यांना हात लावणे तर दूरच बघू नये अशा अवस्थेत काही लोक वेगवेगळया ठिकाणी त्यांना दिसायची. त्यांना सतत हा प्रश्न भेडसावत असे की ह्या लोकांना काय करायचे किंवा ह्या लोकांसाठी काय करायचे. अशा लोकांना जगण्याचा काही मार्ग अस्तित्वात नाही का...? आपण त्यांच्यासाठी काही करु शकत नाही आणि याच सततच्या विचारातून आनंद अनाथ आश्रमाची निर्मिती झाली. आनंद अनाथ आश्रम सुरु करण्यापूर्वी सर्वात आव्हानात्मक गोष्ट अशी होती की हा कुठल्याही प्रकारचा वृध्दाश्रम नव्हता की आश्रमात नोंदणी करणाऱ्या व्यक्तींकडे आपण काहीतरी पैसे किंवा मोबदला घेऊ शकतो. इथे येणारा प्रत्येक माणूस हा पूर्णपणे अनाथ होता की ज्याचे जगात कोणीच नातेवाईक नाही. असे लोक आम्हांला काय देऊ शकणार त्यांच्याकडे स्वतःसाठी अन्न, वस्त्र, निवारा यापैकी काहीच नाही. अशा लोकांचे संगोपन करण्यासाठी किंवा त्यांना निवारा मिळवण्यासाठी आपल्या व्यवस्थेमध्ये कुठलेही योग्य उपाययोजना नाहीत. मग अशा लोकांनी काय करायच...? असंच उपेक्षित जीवन जगायच किंवा जेव्हा मरण येईल तेव्हा मरायच का….. ? ह्याच सगळया विचारांच्या तळमळीतून अनाथ, निराधार लोकांची वाईट व हलाकीची परिस्थिती बघून श्री. गिरीष परशुराम देशपांडे यांनी आनंद अनाथ आश्रम या प्रकल्पाची सुरुवात केली.
आनंद अनाथ आश्रम हा सर्व आश्रमांपेक्षा वेगळा अशा कारणांनी
ठरतो की आनंद अनाथ आश्रमाचे घोषवाक्य हे आहे की अनाथ व निराधार लोकांसाठी कायमस्वरुपी मोफत संगोपन.
हा आनंद अनाथ आश्रम सुरु करण्यासाठी आपले संस्थापक अध्यक्ष श्री. गिरीष परशुराम देशपांडे यांनी फार काळजीपूर्वक नेरळ, वांगणी व बदलापूर या शहरातील ग्रामीण भागांची निवड केली.